«Астана» олимпиадалық даярлау орталығының спортшылары Азия кубогінде жүлделі орындарға ие болды. Сайыс қорытындысы бойынша скретч жарысында Рахмжан Аружан алтын медаль жеңді, Глушкова Ольга 5-орын алды. Ұлдар арасында Эфа Кирилл екінші, Егізбай Ердәулет 4-орынға табан тіреді.

Кейрин бағытында Хурметбекқызы Гүлназ төртінші, Косолапова Диана бесінші орынды еншіледі.

Қыздар арасында жеке жарыста Көпжасарова Динара алтын медаль жеңіп алды. Ал юниорлардан Ерик Арлан 4-орынды қанжығасына байлады.

Айта кеткен жөн, тректен Азия кубогі 28-30 тамыз аралығында Таиланд Корольдігінің Супханбури қаласында өтті. Оған «Астана» олимпиадалық даярлау орталығының 8 спортшысы, 2 жаттықтырушы мен механик қатысты. Жеңімпаздарды құттықтаймыз!