Бүгін, 16 мамыр күні, Астана қаласы бойынша Қазақстан Республикасы Ұлттық қауіпсіздік комитетінің департаменті «Астана» олимпиадалық даярлау орталығының қызметкерлеріне террористік сипаттағы ықтимал қауіп-қатерлер жағдайында объектінің қауіпсіздігін қамтамасыз ету жөнінде сабағын өткізді.

Сабақ барысында мамандарға объектіні эвакуациялау әдістері мен рәсімдері туралы ақпарат айтылды, сондай-ақ террористік сипаттағы жағдайлар орын алған кезде не істеу керектігі түсіндірілді. Яғни, мамандар мен келушілерді эвакуациялау және құқық қорғау органдарымен қалай байланысу қажеттігін егжей-тегжейлі баяндады.