Ресейдің Омбы қаласында тректегі велоспорттан халықаралық турнир өтіп жатыр. Гран-приде қазақстандық спортшылар екі жүлдеге ие болды деп хабарлайды Olympic.kz.

Спортшыларымыз спринт бәсекесі бойынша үздік нәтижелер көрсетті. Павел Воржев аталған сайыс түрі бойынша алтын алқа тақты. Ал Андрей Чугай пьедесталдың екінші тұғырына көтерілді. Үздік үштікті ресейлік спортшы Никита Шуршин қорытындылады.

Айта кетейік, бүгін, 6 қыркүйек - сайыстың соңғы күні. Жүлделер із кесу жарысы, «кейрин» және «мэдисон» бәсекелері бойынша сарапқа салынады.

Дереккөз: Olympic.kz

Мемлекеттік тілге аударған велосипед спортынан ОДО.