ҚАЗАҚСТАННЫҢ ВЕЛОШАБАНДОЗДАРЫ ФИЛИППИНДЕ ӨТЕТІН АЗИЯ ЧЕМПИОНАТЫНА ҚАТЫСАДЫ

25–31 наурыз аралығында Филиппин Республикасының Тагетей қаласында велотректен жастар мен юниорлар арасындағы Азия чемпионаты өтеді. Аталған халықаралық жарысқа «Астана» олимпиадалық даярлау орталығынан 15 спортшы және 4 жаттықтырушы қатысады.

Сапар алдында барлық спортшыларға жеке қауіпсіздік шаралары, командалық жұмыс қағидаттары бойынша, сондай-ақ жаттықтырушылар, психологтар және медицина қызметкерлері тарапынан тиісті нұсқаулықтар берілді.

Команда мүшелері жарыс барысында жоғары нәтижелерге қол жеткізуге және еліміздің намысын абыроймен қорғауға дайын.