12–23 сәуір аралығында Алматы қаласындағы «Эдем» спорттық базасында садақ атудан халықаралық жарыстарға (Әлем кубогының II кезеңі) дайындық аясында арнайы дене шынықтыру дайындығы бойынша оқу-жаттығу жиыны өтуде.

Жиынға «Астана» ОДО-ның 8 спортшысы қатысып жатыр. Спортшылардың жас ерекшелігі — жасөспірімдер мен юниорлар.

Жаттықтырушылар құрамы:

1. Избасарова Б. – аға жаттықтырушы
2. Шин В. – жаттықтырушы

Іс-шараның мақсаты:
Садақ ату техникасын жетілдіру, арнайы дене дайындығын дамыту және төзімділікті арттыру арқылы спортшылардың жалпы спорттық жұмысқа қабілеттілігін жоғарылату.

Негізгі міндеттер:

1. Садақ ату техникасын толық меңгеру және оны үнемі жетілдіру.
2. Спортшылардың арнайы дене дайындығының даму динамикасын бағалау және қолданылатын әдістемелердің тиімділігін талдау.
3. Статикалық төзімділікті дамыту, сондай-ақ спортшылардың физикалық және психологиялық тұрақтылығын қамтамасыз ету.