QAZAQSTAN» ЖЕҢІЛ АТЛЕТИКАЛЫҚ СПОРТ КЕШЕНІНДЕ АНТИТЕРРОРИСТІК ҚОРҒАНЫС ТАҚЫРЫБЫНДА ДӘРІС ӨТТІ

«Qazaqstan» жеңіл атлетикалық спорт кешенінде «Ерекше қорғау қажет нысандардың (спорттық) антитеррористік қорғанысы» тақырыбында «Астана» олимпиадалық даярлау орталығының қызметкерлеріне арналған дәріс өтті.

Дәрісті Біліктілікті арттыру ұлттық орталығының өкілі — Карибаева Мадина Қажымерқызы жүргізді.

Дәріс барысында келесі мәселелер талқыланды:

• спорттық нысандардың қауіпсіздігін қамтамасыз ету шаралары;
• төтенше жағдай туындаған кездегі персоналдың іс-қимыл тәртібі;
• құқық қорғау органдарымен өзара іс-қимыл алгоритмі;
• күдікті заттар табылған жағдайда әрекет ету ережелері.

Қатысушылар террористік сипаттағы қауіптердің алдын алу және олармен байланысты тәуекелдерді азайту жөнінде практикалық кеңестер алып, төтенше жағдайларда әрекет етуге дайындықтарын арттырды.

Мұндай оқу іс-шаралары спорттық нысандардың қауіпсіздігін нығайтуға және спортшылардың, қызметкерлер мен келушілердің қорғалуын қамтамасыз етуге бағытталған.