«АСТАНА» ОЛИМПИАДАЛЫҚ ДАЯРЛАУ ОРТАЛЫҒЫНДА АКАДЕМИЯЛЫҚ ЕСУ БӨЛІМІНІҢ ЖАТТЫҚТЫРУШЫЛАР КЕҢЕСІ ӨТТІ

«Астана» Олимпиадалық даярлау орталығында академиялық есу бөлімінің жаттықтырушылар құрамы жылдық жұмыстың қорытындысына арналған кеңес өткізді. Іс-шара барысында мамандар орындалған жұмыстар жөнінде есеп беріп, спорт түрінің даму динамикасына қатысты негізгі көрсеткіштерді талқылады. Сонымен қатар, 2026 жылға арналған басым бағыттар мен міндеттер айқындалды.

Кеңес жұмысына «Астана» ОДО директорының орынбасары Бектенова Айгүл Бақытжанқызы және «Қайық» федерациясының атқарушы директоры, жаттықтырушы Сұлтанбеков Д.А. қатысты. Сондай-ақ академиялық есу бөлімінің жаттықтырушылары Ибрашев А.Н. және Феклистов Г.А. баяндамалар жасады.