Тасжол велоспортының адам ағзасына тигізер пайдасы орасан зор. Атап өтсек, күш-жігер мен төзімділікті арттырып, бойға сенімділік сыйлайды. Күрделі тасжолдарда үлкен шақырымдарды жүріп өту арқылы спортшылар дене белсенділіктерін шыңдап, биік белестерді бағындыруға ұмтылады.

10-27 желтоқсан аралығында Қырғызстан Республикасының Кош-Кёль елді мекенінде халықаралық жарыстар алдындағы арнайы дене шынықтыру дайындығы бойынша оқу-жаттығу жиындары өтіп жатыр. Аталған жиындарда «Астана» ОДО-ның 11 спортшысы, аға жаттықтырушы, жаттықтырушы мен механик қатысуда.

Оқу-жаттығу жиынының негізгі мақсаттары:

·        Жалпы және күш, жылдамдық төзімділігін арттыру.

·        Тас жолдағы жалпы жүгіріс жиынтығы.

·        Отырғызу және педальдау техникасы бойынша жұмыс.

·        1600-1900 м биіктікте жаттығу.

Жаттығу жұмыстарынан кейін спортшылар жаңа күш-жігер, жаңа мақсаттармен халықаралық жарыстарға қатысады деген ойдамыз.