АНАСТАСИЯ СОЛОДОВНИКОВА – АЛТЫН ЖҮЛДЕ ИЕГЕРІ

Әзербайжанда өтіп жатқан ІІІ ТМД елдерінің ойындарында садақ атудан сынға түскен Қазақстан құрамасының мүшесі Анастасия Солодовникова жеке жарыста алтын медаль жеңіп алып, ел мерейін үстем етті.

Анастасия жарыс барысында асқан дәлдік пен мықты психологиялық тұрақтылық танытып, қарсыластарынан оқ бойы озып шықты. Бұл жеңіс – тек спортшының емес, сондай-ақ оны дайындаған «Астана» олимпиадалық дайындық орталығының жаттықтырушылар құрамының еңбегінің жемісі.

Анастасияны және оның бапкерлерін шын жүректен құттықтаймыз. Жеңісті күндеріңіз көп болсын.