8–11 ҚАҢТАР АРАЛЫҒЫНДА ҚАЗАҚСТАНДАҒЫ АЛҒАШҚЫ ҚЫСҚЫ ЧЕМПИОНАТ ӨТТІ
 
8–11 қаңтар күндері Астанада велотректегі Қазақстан Республикасының алғашқы қысқы чемпионаты жоғары деңгейде ұйымдастырылды. Бұл жарыс 2026 жылғы веломаусымның ресми басталуын айқындайтын маңызды спорттық оқиға болды. Жарысқа еліміздің әр өңірінен келген спортшылар қатысты және өзара мықтыны анықтады.

Жарыс қорытындысы бойынша жүлделі орындар төмендегідей бөлінді:

Ерлер арасында топтық жарыс — Мэдисон:
1-орын — микс команда: Карабутов Илья (Қарағанды облысы), Динмухаметов Рамис (Астана қ.)
2-орын — микс команда: Носков Дмитрий (Маңғыстау облысы), Алишер Жумакан (Алматы қ.)
3-орын — микс команда: Хорошавин Максим (Қарағанды облысы), Кармажаков Сергей (Астана қ.)

Әйелдер арасында ұпай бойынша топтық жарыс:
1-орын — Соловьева Анжела (Алматы облысы)
2-орын — Хурметбекқызы Гүлназ (Жетісу облысы)
3-орын — Пащенко Светлана (Жетісу облысы)

ГИТ — 1000 метр (ерлер):
1-орын — Курдиди Кирилл (Қарағанды облысы)
2-орын — Шаяхметов Данияр (Солтүстік Қазақстан облысы)
3-орын — Базарбеков Диас (Астана қ.)

Қазақстан Республикасының Ұлттық велоспорт федерациясы барлық жеңімпаздар мен жүлдегерлерді шын жүректен құттықтайды. Спортшыларға алдағы жарыстарда табыс, мықты денсаулық және жаңа жеңістер тілейді.

Виталий Вячеславович Мазуренко, федерацияның атқарушы директоры:
“Бұл жарыс еліміздің велоспортының дамуына үлкен серпін береді. SPORTQORY қорының қолдауымен біз 2026 жылғы Азиадалық ойындарға дайындалып жатырмыз. Жаңа маусымда барлық спортшыларға сәттілік тілейміз, бірге алға жылжып, еліміздің атын асқақтатамыз.”

Қысқы чемпионат – бұл жас спортшыларға тәжірибе жинауға, тәжірибелі шабандоздарға жаңа маусымды сенімді бастауға мүмкіндік беретін маңызды іс-шара. Қазақстанның велоспорты алдағы уақытта да халықаралық ареналарда белсенді дамып, жеңістерге жетеді деп сенеміз.