ТАС ЖОЛ ВЕЛОСПОРТЫНАН АЗИЯ ЧЕМПИОНАТЫНА ДАЙЫНДЫҚ БАСТАЛДЫ

7–24 қаңтар аралығында Испанияда тас жол велоспорт бойынша жасөспірімдер ұлттық құрамасы Азия чемпионатына дайындық аясындағы оқу-жаттығу жиыны басталды.

18 күнге жоспарланған жиын барысында спортшылар жарысқа дайындықтың негізгі бағыттары бойынша жүйелі жұмыс жүргізуде.

Дайындықтың басты назарында таулы аймақтардағы күштік жаттығулар, төмен түсу техникасын жетілдіру, сондай-ақ халықаралық жарыстарға қажетті базалық деңгей қалыптастыру мақсатында жалпы және күштік жаттығу көлемін арттыру тұр.

Оқу-жаттығу жиынына қатысатын спортшылар:
• Валиев Альмир
• Третьяков Данил
• Куйтенов Мурат
• Новиков Глеб

Спортшылардың дайындығына аға жаттықтырушы Горбачевский В.Н. жетекшілік етеді. Велосипедтер мен спорттық экипировканың техникалық жағдайына механик Тупченко Д.А. жауапты.

Испания аумағында оқу-жаттығу жиынын өткізу жасөспірім спортшылардың алдағы Азия чемпионатына сапалы дайындалуына қолайлы жағдай жасап, олардың функционалдық дайындығын арттыруға және жарыстық әлеуетін нығайтуға мүмкіндік береді.