19 қазаннан бері Түркияның Алания қаласында триатлоннан Азия чемпионаты алдындағы арнайы дене шынықтыру дайындығы бойынша оқу-жаттығу жиындары өтіп жатыр. Спорттық шараға «Астана» ОДО-ның 6 спортшысы мен аға жаттықтырушы - К.И. Гидич қатысуда.

Біздің спортшылар 5 қарашаға дейін төзімділіктері мен күш-қуаттарын жетілдіріп, жылдамдық арттыру бойынша жаттығулар жасайды. Аталғандардың барлығы триатлонда үздік атануға септігін тигізеді.

Сонымен қатар, жиын барысында жүзу, велоспорт техникаларының қыр-сыры тереңінен түсіндіріледі. Барлық қатысушыларға сәттілік пен алдағы сайыстарда жеңіс тілейміз!