НЫСАНА КӨЗДЕУДЕН ҰЛТТЫҚ ҚҰРАМА АЗИЯ ЧЕМПИОНАТЫНА ДАЙЫНДАЛУДА

25 шілдеде Алматы облысы, Қарасай ауданында нысана көздеу спортынан Қазақстан ұлттық құрамасының оқу-жаттығу жиыны басталды. Дайындық 8 тамызға дейін жалғасып, алдағы Азия чемпионатына дайындық аясында өтуде.

Жиынға 37 спортшы мен 7 жаттықтырушы қатысып жатыр. Олардың арасында «Астана» Олимпиадалық даярлау орталығының 17 спортшысы, 2 жаттықтырушысы және команданың массажшысы бар.

Жаттығу процесі ұлттық құраманың бас бапкері, Қазақстан Республикасының еңбек сіңірген спорт шебері және еңбек сіңірген жаттықтырушысы Ольга Вячеславовна Довгунның жетекшілігімен өтуде.

Спортшыларымызға сәттілік тілейміз!