Бүгін «Астана» ОДО жаттықтырушылар құрамы мен мамандары «Қазіргі спорттағы антидопинг бағдарламасы. Допинг қолданудың алдын алу жолдары мен әдістері» тақырыбындағы семинарға қатысты. Іс-шараны Қазақстанның Ұлттық допингке қарсы орталығы ұйымдастырды, ал семинар жүргізушісі ретінде спорттық медицина және антидопингтік қолдау саласындағы сарапшы — Жұмабаева Ғалия сөз сөйледі.

Семинардың мақсаты — спорттық мекемелердің жаттықтырушылары, мамандары мен қызметкерлерінің антидопингтік саясат жөніндегі білім деңгейін арттыру болды. Негізгі назар келесі маңызды мәселелерге аударылды: антидопингтік заңнаманың қазіргі жағдайы, тыйым салынған препараттар мен әдістердің тізімі, медициналық декларацияны толтыру тәртібі, биологиялық белсенді қоспалар мен дәрі-дәрмектерді қолданудың ерекшеліктері, допинг ережелерін бұзудың салдары, алдын алу шаралары және «таза» спорттық ортаны қалыптастыру қағидаттары.

Мұндай оқу бастамалары денсаулық пен адалдықты басты орынға қоятын жауапты және кәсіби спорттық мәдениетті қалыптастыруға ықпал етеді.