ТАС ЖОЛ ВЕЛОСПОРТЫНАН ЖАСӨСПІРІМДЕР ХАЛЫҚАРАЛЫҚ ЖАРЫСТАРҒА ДАЙЫНДАЛУДА

8–13 қыркүйек аралығында тас жол велоспортынан жасөспірім спортшылар арасында халықаралық «Trofeo Buffoni» жарысына дайындық аясында оқу-жаттығу жиыны өтуде. Жиын Испания Корольдігінің Кантабрия провинциясы мен Италия Республикасының Форте-деи-Марми коммунасы аумағында ұйымдастырылуда.

«Астана» Олимпиадалық даярлау орталығынан бұл жиынға бапкер Горбачевский Владимир Николаевичтің жетекшілігімен төрт спортшы қатысуда:

1.      Валиев Альмир

2.      Чжан Кирилл

3.      Күйтенов Мурат

4.      Подлужный Павел

Жиынның мақсаты — халықаралық жарыстарға сапалы дайындық жүргізу, жарыс өтетін жолмен танысу, түсірілім техникасын пысықтау, таулы аймақта күштік жұмыс жүргізу және қажетті қашықтықты еңсеру арқылы спортшылардың жылдамдық-күштік қабілеттерін әрі қарай дамыту.

Спортшыларымызға алдағы халықаралық жарыстарда сәттілік пен жоғары нәтижелер тілейміз!