ЖЕКСЕНБИНОВА ӘДЕЛЬ — САДАҚ АТУДАН СПОРТ ШЕБЕРІ, ҚАЗАҚСТАН РЕСПУБЛИКАСЫ ҰЛТТЫҚ ҚҰРАМАСЫНЫҢ МҮШЕСІ

Жексенбинова Адель — садақ атудан спорт шебері, Қазақстан Республикасының ұлттық құрамасының мүшесі. Ол бұл спорт түрімен 2009 жылы, тоғыз жасында айналыса бастады. Садақ ату спортына келуіне анасы себепкер болды: туыстарының бірі осы спорт түрімен шұғылданатынын білген анасы қызына секцияға барып, өз мүмкіндігін байқап көруді ұсынған.

Спорттық жолының алғашқы кезеңі оңай болған жоқ. Жеке антропометриялық ерекшеліктеріне — бойының аласа болуы, қолының салыстырмалы түрде қысқалығы және солақайлығы — байланысты  спортшыларға арналған стандартты спорттық садақтар оған сәйкес келмеді. Осыған орай спорттық құрал-жабдықтар мен жаттығу үдерісі Адельдің жеке ерекшеліктеріне бейімделді. Мұндай тәсіл спортшыда шыдамдылықты, бейімделу қабілетін және өз мүмкіндіктерін ескере отырып жаттығу үдерісін сауатты құру дағдыларын қалыптастырды.

Спорттық мансабындағы ең күрделі кезеңдердің бірі — иық буынының кәсіби жарақаты болды. Ота жасалып, шамамен бір жылға созылған ұзақ оңалту кезеңінен өтуге тура келді. Қалпына келгеннен кейін спортшы белгіленген жаттығу тәртібін қатаң сақтауға ерекше мән береді, себебі жоспардан кез келген ауытқу оның психологиялық жағдайы мен моральдық тұрақтылығына кері әсерін тигізеді.

Жексенбинова Адельдің спорттық жолында туған-туыстарының, жақындарының және команданың қолдауы айрықша рөл атқарады. Әсіресе командалық жарыстарда, шиеленісті сәттерде өзара қолдау нәтижеге жетудің маңызды алғышарты болып табылады. Жай ғана қолдау сөздері жеткіліксіз — жоғары нәтижелерге, соның ішінде командалық есепте жүлделі орындарға қол жеткізу үшін терең түсіністік, өзара сенім және үйлесімді әрекет қажет.

Спортшының алға қойған басты мақсаты — тұрақты түрде жоғары спорттық нәтижелер көрсету. Осы мақсатта ол техникалық, физикалық және психологиялық дайындықтарын үздіксіз жетілдіріп, ұлттық және халықаралық жарыстарда табысты өнер көрсетуге ұмтылады.